अध्यक्षको मन्तव्य

श्री महेश्‍वर जंग गहतराज (अथक)

माननीय युवा तथा खेलकुद मन्त्री

                                                                       मन्तब्य
देशको युवा शक्तिहरुलाई स्वरोजगार बनाउन राज्यले विभिन्न पहल कदमी गरे तापनि यस क्षेत्रमा आशातित सफलता प्राप्त गर्न सकिएको छैन । परिणाम स्वरुप वर्षेनी लाखौंको संख्यामा युवा जनशक्ति रोजगारको लागि विदेशीने गरेको कटु यथार्थ कसैबाट छिपेको छैन । स्वदेशमा नै रोजगारिका अवसरहरु सृजना गरी रोजगारीका लागि विदेश जान बाध्य युवा शक्तिलाई स्वदेशमै रोजगारी प्रदान गर्न सकेको खण्डमा देशले छोटो समयमा नै आर्थिक विकासमा ठूलो फड्को मार्न सक्छ भन्ने मेरो बुझाई छ ।
मैले युवा तथा खेलकुद मन्त्रालयको कार्यभार सम्हालेको दिन देखि नै म यस प्रति गम्भिर छु । सोही अनुरुप सहकारी संस्थाहरुको माध्यमबाट युवाहरुमा वित्तिय चेतना फैलाई सिपमुलक तालिम प्रदान गर्ने तथा युवाहरुलाई  स्वरोजगार कर्जा प्रवाह गरी स्वरोजगार बनाउने मेरो पहिलो लक्ष्य छ । हाल १७.६ प्रतिशत जनसंख्या गरिबीको रेखा मुनि रहेको छ । ग्रामीण तथा दुर्गम क्षेत्रमा यसको दर अझ बढी छ । दैनिक हजारौंको संख्यामा रोजगारीका लागि विदेश भौतारिनु पर्ने अवस्थाको अन्त्य गर्नु मेरो प्राथमिकतामा रहेको छ । देशमा रहेका युवा जनशक्तिलाई सीपमुलक तथा व्यवसायिक तालिम प्रदान गर्नुका साथै परम्परागत सीपलाई प्रबर्द्धन गर्दै द्वन्द्व पीडित, अपाङ्ग वा घाईते व्यक्ति, वेपत्ता तथा शहिद परिवार, उत्पीडित जाति, जनजाति तथा महिलाहरुलाई कर्जा  लगानी गरी स्थानीय कच्चा पदार्थ र सीपमुलक परियोजना संचालन गरी स्थानिय स्तर मै युवाहरुलाई स्वरोजगार प्रदान गर्ने उद्देश्यका साथ स्थापना भएको युवा तथा साना ब्यवसायी स्वरोजगार कोषले आर्थिक रुपमा पिछडिएका विपन्न वर्ग, महिला, दलित, जनजाति, आदिवासी, द्वन्द्व  पीडित, अपाङ्ग, घाईते परिवार एवंम परम्परागत सीप भएका युवाहरु व्यवसायिक खेती, कृषिजन्य उद्योग वा सेवामुलक स्वरोजगार कार्यक्रम संचालन  गर्न सहुलियत ब्याज दरमा कर्जा प्रदान गर्ने कार्य यस कोष मार्फत  भै रहेको छ । साथै अशिक्षित र बेरोजगार युवाहरुलाई स्वरोजगार बनाउन अभिमुखिकरण, व्यबसायिक तथा सीपमुलक तालिम प्रदान गर्नुका साथै बैंक, वित्तिय संस्था तथा सहकारी संस्थाहरु मार्फत बिना धितो सहुलियत ब्याज दरमा आवधिक कर्जा प्रदान गरी बेरोजगार युवाहरुको आय आर्जनमा वृद्धि गरी जीविकोपार्जनलाई सहज बनाउन मद्दत पुराउदै आएको छ ।
आगामी दिनहरुमा यस कोषको प्रभावकारीतालाई अझ वृद्धि गर्दै  नेपाली युवा जनशक्तिलाई स्वदेश भित्रै स्वरोजगारीका अवसरहरु श्रृजना गरी वर्षेनी हजारौंको संख्यामा रोजगारको लागि विदेशीनु पर्ने अवस्थाको अन्त्य गर्नु अपरिहार्य छ । त्यसको लागि आवश्यक नीति निर्माण तथा कार्य योजना निर्माण गरी देश भित्रै आवश्यक रोजगारको अवसरहरु श्रृजना गरी रोजगारका लागि युवा जनशक्ति विदेश पलायन हुने अवस्थाको अन्त्यको लागि कोषले आफ्ना कार्यक्रमहरु लाई अझ प्रभावकारी रुपमा अगाडि बढाउने प्रतिबद्धता ब्यक्त गर्दछु ।

                                                                                        मा. महेश्वर जंग गहतराज (अथक)
                                                                                                        मन्त्री
                                                                                                युवा तथा खेलकुद मन्त्रालय

अनलाईन सेवाहरू

शर्त तथा नियमहरु

  • १. कोषले वित्तीय तथा सहकारी संस्थामार्फत लक्षित व्यक्ति, समुदायलाई सहुलियत व्याज दरमा विना धितो(कोषको नियमानुसार) कर्जा लगानी गर्ने हुनाले कोषको नियमको पूर्ण रूपमा पालना गर्नेछु/छौँै । कर्जा लगानी गर्दा व्यक्तिगत वा सामूहिक जमानी र परियोजना धितो राख्नका लागि सहमति छ ।
  • २. यो कर्जा व्यवसायमा प्रयोग गर्नेछु/छौँ ।
  • ३. कोषले तोकेको व्याजदरमा तोकेको समयमा साँवा तथा व्याज भुक्तानी गर्नेछु/छौँ ।
  • ४. कोषको कर्जा लिनका लागि स्थानीय तहको सिफारिस पत्र पेश गर्नेछु/छौँ । साथै नागरिकताको प्रतिलिपी, शैक्षिक प्रमाणपत्र भएमा सोको प्रतिलिपि, तालिमको प्रमाणपत्र भएमा सोको प्रतिलिपि, पारिवारिक जमानी र समूह भएमा सामूहिक जमानी पत्र गर्नेछु/छौँ ।
  • ५. कोषले गर्ने व्यवसायी र व्यवसायको वीमासम्बन्धी र असल कर्जाग्राहीले नियमित रुपमा कर्जा तिरेवापत पाउने व्याज अनुदान सम्बन्धमा मेरो/हाम्रो सहमति छ ।
  • ६. कोषले तोकेको लक्षित समुदाय अन्तर्गत आर्थिक रुपले विपन्न महिला, दलित, आदिवासी जनजाति, मधेशी, थारु, सीमान्तकृत, लोपोन्मुख, अल्पसङ्ख्यक, मुस्लिम, अपाङ्गता भएका व्यक्ति, द्वन्द्वपीडित तथा पिछडिएको क्षेत्रका व्यक्ति वा समुदाय, गरीब किसान, मजदुर, सुकुम्वासी वा साना व्यवसायीमा पर्दछु ।
  • ७. व्यक्तिगत वा समूहगत रुपमा प्राप्त गरेको ऋण कोषको उद्देश्यअनुसार स्वरोजगारका लागि प्रयोग गर्नेछु/छाँै ।
  • ८. जुन प्रयोजनका लागि कर्जा लिएको हो सोही प्रयोजनमा मात्र कर्जाको उपयोग गर्नेछु/छौं ।
  • ९. कर्जा लिएको प्रयोजनबाहेक अन्य प्रयोजनमा उपयोय गरेमा, कर्जाको दुरुपयोग गरेमा वा निर्धारित समयमा साँवा, व्याज भुक्तानी नगरेमा कोषले प्रचलित कानुुनबमोजिम साँवा, व्याज र हर्जनासमेतको रकम असुल गरेमा मेरो/हाम्रो मन्जुरी छ ।
  • १०. कोषको कर्जा रकम नतिरेमा कर्जा सूचना केन्द्रको कालो सूचीमा राखेमा, चल/अचल सम्पति रोक्का राखेमा, बैंक तथा वित्तीय संस्थामा रहेको खाता रोक्का राखेमा वा नेपाल सरकारबाट प्रदान गरिने सेवा सुविधाबाट बञ्चित गरेमा, कोषको नियम तथा प्रचलित कानुनबमोजिम कार्बाही गरेमा तथा मेरो/हाम्रो नाममा रोक्का रहेको अचल सम्पति प्रचलित कानुनबमोजिम लिलाम विक्री गरी कर्जा रकम असुल गरिलिएमा मेरो/हाम्रो मन्जुरी छ ।
  • ११. कोषले कार्बाही गरी साँवा, ब्याज र हर्जना असुल गरेपछि कोषबाट पुनः कर्जा उपलब्ध नगराएमा मेरो/हाम्रो मन्जुरी छ ।
  • १२. प्राप्त भएका आशय पत्र पूर्ण नभरिएका, कोषको उद्देश्य तथा लक्ष्य सँग बाझिएमा स्वतः रद्द भएको मानिनेछ । आशय पत्र स्वीकृत वा अस्वीकृत गर्ने सम्पूर्ण अधिकार कोषमा निहित रहनेछ ।
  • १३. मेरो/हाम्रो कर्जा स्वीकृत भएमा कोषले तोकेको वित्तीय संस्था वा सहकारी संस्थाहरुको सर्तनामा अनुसार ऋण लिन र बुझाउन तयार छु/छौं ।

मैले/हामीले पेश गरेको उपरोक्त विवरण साँचो हो झुटो ठहरेमा प्रचलित कानुनबमोजिम सहुँला/बुझाँउला ।